Me siguri nuk e kishit menduar, por mesa duket Rita Ora ka dhe një shtëpi në vendlindjen e saj, Prishtinë.

Ka qenë nëna e këngëtares Vera Ora, e cila ka publikuar fotografinë e shtëpisë së tyre. Në foto shihet një vilë tepër e bukur 3-katëshe, me stil të veçantë.

Vila tërhoqi jo vetëm vëmendjen e mediave në Shqipëri, por së fundmi edhe të britanikes “The Sun”, e cila i ka dedikuar një shkrim, duke përllogaritur madje edhe vlerën e vilës.

Vila e bardhë tre katëshe në Prishtinë sipas “The Sun” është një dhuratë që këngëtarja ua bëri prindërve të saj. Mendohet se vlera e saj shkon në 1.5 milionë paund.

Media britanike e ka vlerësuar jashtë mase këtë veprim, duke thënë se Rita ka tani jo vetëm një kuletë të madhe, por edhe një zemër të madhe!

“Familja e Rita Orës ka kontribuar në suksesin e saj, prandaj këngëtarja do më shumë se asgjë tjetër t’i kthejë mbrapsht atyre investimin dhe t’i sigurojë një jetë të rehatshme”, thuhet ndër të tjerash në artikull.