Traineri i kombëtares Gianni De Biasi ka prezantuar sot listën provizore të lojtarëve, që do marrin pjesë në Euro 2016. Në listen me 27 lojtarë të prezantuar nga De Biasi, bie në sy mungesa e Alban Meha, bomberit shkodran Salihi, dhe talentit të Interit, Rey Manaj. De Biasi ka theksuar se 4 prej tyre nuk do të munden që të udhëtojnë në Francë pas frazës përgatitore.

“Listën e kam përpiluar vetë, duke i besuar bindjes time, pa ndikimin e askujt. Futbollistëve, ju kam nisur një letër ku i shpjegoj qartë se ata janë përzgjedhur për të krijuar një skuadër. Dhe ne do të funksionojmë si të tillë. Ashtu siç kemi vepruar deri më tani”-theksoi trajneri i përfaqësueses Gianni De Biasi.