Armina Mevlani dhe Shkëlzen Berisha janë një prej çifteve më të njohur të showbiz-it shqiptar, të cilët janë shumë të komentuar në media. Ata kanë vite së bashku dhe nëpër intervista të ndryshme, Armina ka treguar se ka nisur të kërkojë fustanin e dasmës. Madje, ajo u shpreh në një emision disa ditë më parë se nuk ka ndërmend të jetë një nuse tradicionale. Së fundmi, Armina është pyetur nga “Prive” mbi datën e dasmës. “Është viti i ardhshëm?”, e pyeti gazetari Arminën, e cila u përgjigj: “Besoj se po”.