Ajo që bie në sy është se vetë Dua nuk ka ndarë ende fotografi nga dasma në profilet e saj sociale, duke ruajtur një profil të rezervuar gjatë kësaj vizite.

Detajet e festës janë zbuluar në një pjesë të madhe përmes motrës së saj, Rina Lipa. Ajo ka publikuar disa pamje nga ceremonia, duke treguar edhe elemente të veshjes tradicionale shqiptare të nuses.

Në fotografitë e publikuara dallohen punimet tradicionale të veshjes, jeleku i dekoruar me detaje ari dhe rruaza, si edhe pjesë të tjera të kostumit karakteristik shqiptar, duke sjellë në vëmendje traditat që vazhdojnë të jenë pjesë e rëndësishme e festimeve familjare.

Prania e Duas në këtë dasmë është një tjetër moment që tregon lidhjen e saj me Kosovën dhe me traditat shqiptare, pavarësisht jetës së saj ndërkombëtare dhe angazhimeve të shumta në skenat më të mëdha të botës.