Sikurse çdo të diel, “PërPuthen” Prime sjell jo pak surpriza, por duket se puntata e kësaj jave do të jetë edhe më shumë nga sa prisnim.

Çifti më i diskutuar i momentit në showbiz, Tea dhe Bearti, do të rikthehen në program, por këtë herë jo si konkurrentë, por si opinionistë.

Lajmin e ka bërë të ditur vetë autorja e programit, Olsa Muhameti, nëpërmjet një postimi në Instagram.

Ajo ka publikuar foton e Teas dhe Beartit në studion e “Për’puthen” krahas së cilave shkruan: “Tea dhe Beart të dielën në Për’puthen Prime”.

Mirëpo para se të shohim çiftin e njohur, do shohim një tjetër dyshe përballë njëri tjetrit, Shqipen dhe Andin.

Ne të inlife.al ju themi se dyshja janë bashkë këtë të diel në emisionin “E diell” në rubrikën “Trotuar”, ku këtë herë do jetë Andi i ftuar gjithashtu edhe Shqipja që tashme e shohim të përjavshme në këtë rubrikë. Se ç’do thuhet nuk e dimë, por intersante do ishte t’i shihni edhe përballë Teas dhe Beartit.

Tashmë na mbetet vetëm të shohim se çfarë do të ndodhë në program këtë të diel. Ju si mendoni, do ketë një përballje mes katërshes së 'bombave' në Prime?