Beyonce është përseri shtatzënë? Ajo ka nisur së fundmi një turne botëror më bashkëshortin e saj Jay Z, por fansat e saj dalluan se ylli i pop-it mund të jetë duke fshehur barkun e rrumbullakosur. Fansat e këngëtares nisën të spekulonin se Beyonce është shtatzënë dhe në pritje të fëmijës së saj të katërt dhe shkak i këtyre hamëndësimeve ishin veshjet e saj të gjera. “Beyonce duke shtatzanë përsëri. Të gjithë e dimë se ata e duan edhe fëmijën e katërt të tyre dhe ajo po mban xhaketa nëpër turne”,-shkruan një fans i saj në ‘Twitter’.
Por Beyonce sapo na vërtetoi që të gjithë e kishin shumë gabim. Ajo ka reaguar, por jo me fjalë siç të gjithë ne prisnim, por nëpërmjet veprimeve. Ajo në koncertin e radhës është shfaqur me një veshje ngjyrë vjollcë, që i nxirrte më së miri në pah barkun e saj të hollë. Në këtë mënyrë ajo iu dha fund zërave për një shtatzani të mundshme.