Belen Rodriguez është një nga modelet më të famshme në televizionet italiane.

Më të famshme janë dhe historitë e saj në marrëdhëniet që ka pasur me futbollistë të ndryshëm.

Mesa duket ajo është rikthyer përsëri tek “huqi” i vjetër dhe përflitet sipas revistës italiane “Chi” se ajo është në një marrëdhënie me Ezekuiel Lavezzi.

Të ritakuar pas disa vitesh në Uruguai ku ajo po kalon pushimet, të dy të ndarë nga partnerët përkatës, kanë përfunduar në krahët e njëri-tjetrit. Belen pritej të kthehej në Itali që në ditët e para të vitit, por me sa duket takimi me Lavecin dhe historia mes tyre ka bërë që të shtyjë gjithçka dhe të vazhdojë pak më shumë këto pushime.