Luana Vjollca së fundmi ka dhënë një intervistë për revistën turke ‘Moda Turkey’, ku flet për jetën e saj profesionale. Në pyetjen se çfarë do të thotë muzika për të, këngëtarja tregon se me muzikë mundohet që në një mënyrë të realizojë ëndrrën e saj edhe të ëmës.

Luana thotë se e ëma e saj ka qenë një këngëtare shumë e mirë, por për shkak të rrethanave të asaj kohe, ajo nuk mundi të luftojë për ëndrrën e saj.

“Siç e kam thënë muzika është pasioni im, por më shumë se kaq është pasioni i nënës sime. Ajo ka qenë një këngëtare e shkëlqyer por koha dhe rrethanat e kanë bërë të pamundur ndjekjen e ëndrrës. Kështu mendoj se me këndim jam duke realizuar ëndrrën tonë për ne të dyja”.