Një ndër hitet më të suksesshme të verës që lamë pas padyshim ishte “Na jena njo”. Për ta çuar më tej suksesin, Ardian Bujupi dhe Dj Dalool kanë bashkuar përsëri forcat për të na sjellë një tjetër hit. “E embël” mban titullin bashkëpunimi i tyre i rradhës, një këngë e cila vjen për të na ëmbëlsuar këto ditët me shi të vjeshtës. Për muzikën me ritmet verore është kujdesur vetë Dj Dalool në bashkëpunim me Avaxus, ndërsa teksti është shkruar nga Arsim Bunjaku. Klipi është realizuar nga XL Films, klip ky i xhiruar në bregdetin shqiptar, me pjesëmarrjen e shumë vajzave të bukura, që na sjellin edhe njëherë në memorie verën.