Gjykata e Shkallës së Parë në Shkodër dha masën e sigurisë arrest me burg për katër të ndaluarit dhe arrestuarit të dyshuar për korrupsion pasiv dhe ushtrim i ndikimit të paligjshëm të personave që ushtrojnë funksione publike në Hipotekën e Shkodrës.
Në arrest me burg u lanë shtetasit Mirjam Bletaj, ish-jurist i Hipotekës dhe Sokol Tirana, ndërsa të arrestuar janë Johan Zefi dhe Ndoc Tara.

Ata mohuan akuzat ne sallën e gjyqit por gjykata pranoi kërkesën e prokurorisë duke i lënë me masën e sigurisë arrest me burg.

Ata akuzohen se përmes ryshfetit prej 1 mije euro, shtetasi Ndoc Taraj do përfitonte një certifikatë pronësie ndërsa Sokol Tirana dhe Johan Zefi dyshohen si sekserët qe do i jepnin paratë shtetasit Mirjam Bletaj, ish-juristi i Hipotekës për përshpejtimin e procedurës në marrjen e certifikatës së pronësisë.