Ata janë një ndër çiftet më simpatikë dhe shumë të dashur për publikun shqiptar. Historia e tyre e romancës nisi në television, pikërisht te “The Voice of Albania” dhe çdo ditë e më shumë na tregojnë se janë shumë të dashuruar. Venera Lumani dhe Lind Islami janë të lidhur bashkë jo vetëm nga dashuria dhe bashkëjetesa, por edhe nga pasioni për muzikën.

Mirë tashmë ata janë zyrtarisht të fejuar. Gjatë pushimeve të tyre në Barcelonë, Lindi i ka propozuar Venerës për fejesë pas 5 vitesh së bashku. E ndërkohë që po bëjnë planet e martesës, duket se Venera dhe Lindi kanë organizuar një darkë me miqtë për fejesën e tyre. Është Olti Curri ai që ka publikuar disa pamje në Instagram ku shihen Lindi dhe Venera më të lumtur se kurrë.