Me hapjen e merkatos shumë lojtarë kanë filluar të ndryshojnë edhe ekipe. Prej shumë kohësh u përfol për një largim të mundshëm të Strakoshës nga Lacio por asgjë nuk ndodhi.

Portieri i kombëtares ka konfirmuar se ai do të qëndrojë tek Lacio dhe ka postuar një foto ku po bëhet gati për sezonin e ri. Strakosha po përgatitet për sezonin e ri dhe duket se do të jetë përsëri gardiani numër 1 i kryeqytetasve italianë.

23 vjeçari kaloi një formë mjaft të mirë sezonin e kaluar duke qenë një lojtar kyç në skuadër dhe për këtë arsye shumë ekipe kërkuan shërbimet e tij por në fund lojtari zgjodhi të vazhdonte në Itali.