Ajo është padiskutim një nga femrat më të bukura të ekranit shqiptar dhe njëkohësisht shumë e dashur për publikun. Prej vitesh e kemi parë duke moderuar emisione të ndryshme dhe së fundmi ka qenë shumë e angazhuar me fushatën e saj “Ti je një luledielli”.

Puna e saj e palodhshme i është shpërblyer dhe Albana është bërë pjesë e kopertinës së revistës kulturore franceze, “Utopian Magazine”. Për Albanën ka qenë një kënaqësi e veçantë të bëhet pjesë e kësaj reviste, sepse drejtohet nga djali i profesorit të saj të liceut. Duke qenë se Albana është e specializuar në fushën e arteve vizive këtë herë ajo është shfaqur në profilin e një artisteje.

“Faleminderit profesorit tim @ardianisufiart për gjithë energjinë e Akademisë së Arteve që na e dha në shpirt! E falenderoj dhe për gjithë mbështetjen e tij në çdo hap timin”, shkruan ndër të tjera Osmani, pranë fotos së publikuar.