INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Shkatërrim dhe viktima, Greqia goditet nga stuhitë e fuqishme, rrënim në 10 minuta [VIDEO]

Shkatërrim dhe viktima, Greqia goditet nga stuhitë e fuqishme, rrënim në 10 minuta [VIDEO]

Publikuar më: 11:48 11-07-2019

Të paktën shtatë persona mes tyre dy fëmijë kanë humbur jetën dhe dhjetëra janë plagosur pas një stuhie të fuqishme që ka prekur zonën turistike të Halkidhikisë rreth 80 km në lindje të Selanikut. Erërat e forta prekën edhe shumë rajone të tjera të Greqisë Veriore.

Stuhitë dhe rrebeshet kanë përfshirë edhe pjesë të tjera të Europës si Italia apo Spanja.

Pas një vale të motit të nxehtë me temperatura që shkuan mbi 38 gradë, në disa zona të Greqisë qendrore dhe asaj lindore moti është përkeqësuar dhe janë regjistruar fenomene të tejskajshme të motit. Mbi 5000 vetëtima janë regjistruar brenda gjysmë ore në Sithoni të Halkidhikisë, ndërsa stuhia është shoqëruar edhe me rreshje të rrëmbyera shiu.

Midis viktimave janë dy fëmijë, një prej tyre vetëm 8 vjeç nga Rumania, i cili ka humbur jetën kur është shembur nga era e fuqishme çatia e një restoranti që ka zënë nën vete .Gjithashtu një çift i moshuar nga Çekia kanë humbur jetën brenda një automjeti kur ai është rrëmbyer nga era.

Të paktën 120 vetë janë dërguar në spitalin e zonës dhe disa prej tyre janë dërguar në Selanik pasi kanë pasur plagë të rënda.

Pamjet e shpërndara në rrjetet sociale  e media tregojnë edhe situatën e rëndë në Halkidhiki dhe momentet kur era dhe stuhia që zgjatën 10 minuta po pushtonte çdo gjë.

Article Logic
Execution time: 0.0037410259246826