Edhe pse shumë të rinj Rina dhe Fero kanë korrur një sukses të madh që prej debutimit të këngëve të para. Dyshja janë pjesë e të njëjtit label muzikor dhe deri më sot kanë ruajtur marrëdhënie shumë të mira me njëri-tjetrin.

Ata kanë realizuar edhe një këngë me titull “S’ka konkurrencë” që është pëlqyer shumë nga publiku. Mirëpo para disa ditësh u përfol se Rina dhe Fero kanë bërë sherr duke i dhënë fund shoqërisë së afërt mes tyre dhe detajet u shtuan pasi ata hoqën njëri-tjetrin nga lista e ndjekësve në Instagram.

Por ata tani janë bërë sërish miq në Instagram dhe është menaxheri Met Elshani ai i cili i ka bashkuar të dy artistët dhe ka sqaruar muhabetin mes tyre.

Madje Fero dhe Rina kanë performuar së bashku në një klub në Firence duke treguar edhe njëherë se janë sërish miq të mirë.