INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Sandër Lleshi urdhër të prerë policisë: Merrni masa urgjente për...

Sandër Lleshi urdhër të prerë policisë: Merrni masa urgjente për...

Publikuar më: 18:31 07-11-2018

Menjëherë pas marrjes së postit si zëvendës ministri i Brendshëm Sandër Lleshi ka ardhur me një plan të qartë për të drejtuar institucionin me kompetencat e një ministri. Ai ka një urdhër të prerë për drejtuesit e policisë së Shtetit. Në letër Lleshi me sa duket referuar dhe protestave të fundit në Durrës për ndotjen, ngre një problem shumë serioz që ka të bëjë pikërisht me djegien e mbeturinave.

Në përgjigje të shqetësimeve të banorëve ai i kërkon Policisë së Shtetit të marrë masa urgjente dhe të mbajë nën kontroll situatën duke bashkëpunuar me institucionet vendore.

Qytetet më problematike në këtë drejtim, sipas zv.ministrit janë Durrësi, Vlora, Kukësi, Tirana dhe Dibra.

LETRA E PLOTË

I nderuar Z. Drejtor,

Siç jeni në dijeni, ditët e fundit është shtuar problematika lidhur me djegien e mbeturinave në vende të hapura pranë qendrave të banuara, si dhe në landfille, duke u kthyer kështu në një rrezik serioz për shëndetin e banorëve pranë tyre. Informacionet e fundit tregojnë se Qarqet më problematike janë ato të Durrësit, Vlorës, Kukësit, Tiranës dhe Dibrës.

Nisur nga sa më sipër, kërkoj që strukturat vendore të Policisë së Shtetit të marrin masa urgjente për të mbajtur nën kontroll situatën në të gjithë territorin e vendit. Për këtë, ato të bashkëpunojnë ngushtë me strukturat përgjegjëse në Prefektura, Bashki, Njësi Administrative, si dhe me ato të Ministrisë së Turizmit dhe Mjedisit, me qëllim ndalimin e zjarreve në landfille dhe vende të hapura publike. Po ashtu, strukturat e Policisë të komunikojnë edhe me kompanitë e kontraktuara për pastrimin e qyteteve/njësive vendore, për t’i dhënë fund një fenomeni të tillë të rrezikshëm.

Sa më sipër, kërkoj nga Policia e Shtetit raportime të veçanta ditore për këtë çështje.

Article Logic
Execution time: 0.0033121109008789