Presidenti Ilir Meta ka reaguar në lidhje me situatën e krijuar sot në Rrugën e Kombit.

Meta shprehu keqardhjen për personat e lënduar gjatë protestës, duke bërë thirrje për evitimin e dhunës.

Ai apeloi për evitimin e dhunës, për vetëpërmbajtje dhe dialog me qëllim normalizimin e situatës dhe kthimin e lëvizjes normale të automjeteve dhe qytetarëve në pritje.

Për rreth tre orë qytetarët kanë protestuar në Kalimash duke kundërshtuar taksën e re mbi Rrugën e Kombit. Nuk mungoi përplasja me policinë, hedhja e gurëve apo edhe të lënduar.