Të gjithë po e prisnin bashkëpunimin mes Bebe Rexhës dhe Rita Orës e siç duket vajzat po ua bëjnë ëndrrën realitet fansave. Është Rita Ora ajo që ka lajmëruar për projektin e saj më të ri që do të vijë në bashkëpunim me Bebe Rexha, Cardi B dhe Charli XCX.
“Jam shumë e lumtur që më në fund po lajmëroj këngën time më të re, ‘Vajzat’ në bashkëpunim me disa gra të fuqishme që më kanë inspiruar shumë! Faleminderit Cardi B, Bebe Rexha dhe Charli XCX!”, – ka shkruar Rita dhe ka lajmëruar që do të publikohet më 11 maj.
Të njejtën foto ka postuar edhe Bebe Rexha, por në foton e saj Rita i ka lënë koment disa zemra, ndërsa e lumtur për këtë bashkëpunim mesa duket është edhe Enca.
Ajo i ka komentuar disa emoji me zemër të sytë si dhe ka pëlqyer foton.