Mauro Icardi nuk ka rinovuar ende kontratën me Inter dhe kjo i ka shqetësuar të gjithë në kampin e zikaltërve.
Edhe tifozët kërkojnë një përgjigje dhe mesa duket administratori i ri Marotta nuk do humbasë më kohë.
Në një dekalratë për gazetarët ai ka habitur me batutën e tij në drejtim të menaxherit të Icardit: “Javën që vjen do të dal për një darkë me Wanda Nara dhe do të diskutojmë qetësisht për këtë çështje. Nuk ka nevojë për panik”, tha administratori i deleguar i Interit.
Palët nuk po bien dakord për pagën e Icardit. Lojtari kërkon 9 milionë euro, ndërsa klubi është i gatshëm të ofrojë vetëm 7, këtu po zhvillohet edhe lufta.