Drake bëri një festë private për Vit të Ri e cila ishte e stërmbushur me “yje” të Hollywood. Prezenca e njërit prej tyre bëri që të ngriheshin shumë dyshime në dhomë. Po flasim për Chris Brown, i cili fillimisht ka qenë një bashkëpunëtor i Drake, dukë bërë disa këngë bashkë, por më pas një “luftë” plasi midis tyre për këngëtaren Rihanna.

Tashmë, ata duket se kanë lënë gjithçka pas dhe kanë festuar si të çmendur. Drake nuk e ka lënë me kaq historinë, por në “Instagram” e tij në disa foto të publikuara poshtë saj ka shkruar se: “2019 gati për të përgatitur diçka...Aubreezy(bashkimi i dy emrave të këngëtarëve)”. Tashmë na ngelet veç të presim për bashkëpunimin e dy “superyjeve” të industrisë muzikore.