Kjo është hera e parë që reperi i njohur përflitet publikisht për një lidhje me një vajzë dhe lidhjen me të Mozzik e pranoi vetëm pasi u ribashkuan sërish. Madje reperi duket se këtë herë është dashuruar vërtet dhe këtë e tregon postimi i bërë vetëm para pak ditësh. Teksa ndodhej në pishinë me vajzën bionde me të cilën ka shkëmbyer edhe një puthje, Mozzik shkruan: “Nuk ka gjë më të bukur në jetë sesa të gjesh një njeri që të lexon pa shkronja dhe të kupton pa fjalë”. Por pikërisht në këtë moment nisën të sulmohen me  fjalë fyese pasi sipas komentuesve, ai është djali i hallës i Loredanës. Kjo ka marrë shkas nga një prej intervistave që Loredana ka dhënë pak kohë më parë. Kur u pyet se çfarë lidhje kishte me Mozzik, ajo tha se e kishte të afërt, djalë halle. Kjo ka qenë arsyeja që ata e kanë sulmuar reperin me komente të shumta duke e cilësuar të turpshme të puthesh me vajzën e hallës. Megjithatë asnjëri nga çifti nuk ka bërë asnjë reagim, duke lënë të kuptohej se ajo  që Loredana kishte shprehur në intervistë, ka qenë në kuadrin e shakasë.