Pas rezultateve të kampionatit Botëror në Rusi ka ndryshuar edhe renditja e FIFA-s. Megjithëse Franca ka 1 muaj që ka fituar titullin kampion Bote, vetëm ditën e sotme ka marrë kryesimin e renditjes duke qenë se në krye të asaj liste, qëndronte Gjermania. Por ajo që bie më shumë në sy është rekordi negativ i Italisë, që ka përfunduar jashtë 20 më të mirëve.

Katër herë kampionët e Botës renditen në vendin e 21-të, më keq se asnjëherë tjetër më parë. Nuk ndryshon pozita Shqipëria, duke qenë edhe se nuk ka patur impenjime, ndërsa kryesimin e klasifikimit e ka tashmë Franca kampionia e re e botës.