INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Rama dëgjesë në Berat: Me një celular keni në xhep një ministër

Rama dëgjesë në Berat: Me një celular keni në xhep një ministër

Publikuar më: 10:02 26-05-2018

Ndërsa opozita është duke organizuar protestën në kryeqytet kryeministri Edi Rama vijoi gjatë ditës së sotme turin e llogaridhënies në qarkun e Beratit.

Teksa shpalosi platformën e bashkëqeverisje ‘Shkolla ime’, Rama tregoi edhe njëherë prioritetet e portalit të bashkëqeverisjes, ku sipas tij duhet vetëm tre minuta kohë për çdo ankesë që çdokush mund të ketë ndaj administrates shtetërore.

Sipas Ramës, me një celular, çdokush ka në xhep një ministër pa pasur nevojë të fusin një mik, siç ka ndodhur deri dje.

“Një grup prej 30 vetash që punojnë edhe natën, kanë detyrë që të bëjnë të gjitha raportet për rezultatet e përgjigjes për ministrat. Është një mekanizëm fantastik, brenda 10 ditësh jepet përgjigja, i njoftohet ankuesit që u mor ankesa juaj, kur kalon pak më shumë kohë i kërkohet ndjesë. Është çështje besimi dhe kulture për të mos vazhduar historinë gjej një mik apo fut dorën në xhep dhe jep lekë”, tha mes të tjerash Rama.

Article Logic
Execution time: 0.0035130977630615