Në skenat e xhirimit çfarë nuk ndodh. Ky rast ndoshta nuk është i vetmi, ama është më i fundit.

Aktori Matthew McConaughey zbuloi se Snoop Dogg zëvendësoi marijuanën fallco që do të përdornin në një skenë me marijuanë të vërtetë ndërkohë që duo-ja xhironte filmin The Beach Bum.

Teksa ishte i ftuar te Jimmy Kimmel Live, aktori kujtoi historinë se si Snoop Dogg e çoi “high” ndërkohë që ishin në setin e xhirimit së bashku.

Nga eksperienca McConaughey tha, “Është një skenë ku po shkoj te Snoop sepse më është bllokuar truri për të shkruar dhe ai ka barin magjik. Kështu, para se të xhironim shkova te djali që merrej me këtë punë për t’u siguruar që do t’a kisha gati barin fallco, i cili zakonisht është rigon i shkërrmoqur”.

Ata xhiruan skenën 6-minutëshe dhe duke e kaluar cigaren e barit midis njëri tjetrit, Snoop Dogg i thotë: “Ky nuk është bar fallco, është bar Snoopy”.

 

Eksperiencën McConaughey e quajti Snoopërim (getting Snooped) dhe madje edhe është filmuar.

 

“Nëntë orët e ardhshme ishin shumë gallatë por nuk mendoj se arritëm të përdornim ndonjë fjalë siç duhet në gjuhën angleze” tha aktori (sigurisht Matthew, ishit “drru”, ç’anglisht do flisnit).

 

McConaughey dhe Snoop Dogg do të luajnë në filmin Beach Bum së bashku me Zac Efron, Jonah Hill, Isla Fisher dhe Jimmy Buffett.

Historia e filmit është mbi një barist shkrimtar të quajtur Moondog, i cili luhet nga MCconaughey.

Filmi me regji të Harmony Korine nuk ka akoma një datë lançimi.

Shpresojmë shumë që skenat e lartpërmendura të dalin në shesh të shohim si duket seks simboli Hollywood-ian nën efektet e marijuanës.