INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Përfundon 60% e punimeve të stadiumit, “Arena Kombëtare” duket kështu [VIDEO]

Përfundon 60% e punimeve të stadiumit, “Arena Kombëtare” duket kështu [VIDEO]

Publikuar më: 18:19 07-01-2018

Nëpërmjet një postimi në web-in zyrtar, Federata Shqiptare e Futbollit ka paraqitur edhe ritmin e punimeve për ndërtimin e stadiumit “Arena Kombëtare”. Sipas FSHF-së, në sektore të veçantë puna ka kaluar mbi 60 % të planit.

“ARENA KOMBËTARE” është një nga veprat më madhore sportive (më e madhja në të gjithë historinë e infrastrukturës sportive të vendit) e cila po ngrihet dita-ditës me një ritëm punimesh tepër voluminoz. FSHF po ndjek vazhdimisht ecurinë dhe situacionin në kantier, në të cilin aktualisht në sektorë të vecantë puna ka kaluar mbi 60% të planit.
Sipas të dhënave më të fundit teknike mësohet se punimet në të gjithë hapësirën betonarme dhe konstruksioneve metalike (karabinasë) kanë kaluar masën mbi 60% të tyre. Përpos punimeve aty, fazat intensive për ngritjen e impiantit të ri kalojnë edhe nëpërmjet përgatitjes së materialeve në sektorë dhe kantiere të ndryshme jashtë stadiumit.

Pikërisht në këto vende po ndërtohen aktualisht edhe shkallët e tribunave, por edhe pjesa e mbulesës së plotë. Kanë përfunduar thuajse punimet për pjesën e nëntokës së stadiumit të ri, teksa inxhinierët shprehen se, vetëm pas përfundimit të instalim-montimit të mbulesës së impiantit të ri, atëherë do të nisin punimet edhe për fushën. “Arena Kombëtare” pritet të jetë një vepër e jashtëzakonshme sportive për futbollin shqiptar”, shkruan FSHF.

Article Logic
Execution time: 0.0031778812408447