Khloe Kardashian para pak ditësh është bërë nënë e një vajze. Kudo në media shpërtheu lajmi se në fakt Khloe lindi para kohe për shkak se në rrjet qarkulluan video të bashkëshortit të saj teksa e tradhtonte në një club me dy vajza të tjera. Khloe dje solli në jetë fëmijën e saj të parë dhe pavarësisht se çifti janë në një periudhë tensioni, basketbollisti i qëndroi pranë partneres në maternitet.

Tani pritej me padurim nga fansat e tyre se çfarë vendimi do merrte Khloe Kardashian për lidhjen e tyre dhe siç duket ajo është treguar shumë zemërgjërë pasi e ka falur basketbollistin.
Khloe ka publikuar një foto të dhomës me tollumbace e me lule dhe shkruan se është shumë e lumtur që është bërë nënë dhe Tristan baba. Vajzës të cilën e ka quajtur “True” i ka vënë mbiemrin Thompson të basketbollistit.

Urime Khloe!