INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Pas përjashtimit nga Kuvendi, reagon Flamur Noka: Turp i këtij Parlamenti!

Pas përjashtimit nga Kuvendi, reagon Flamur Noka: Turp i këtij Parlamenti!

Publikuar më: 19:00 12-10-2017

Pas kërkesës së PS-së për përjashtimin nga Kuvendi të deputetit të PD-së Flamur Noka nga ana e kryeparlamentarit Gramoz Ruçi, pasditen e sotme është mbledhur Byroja Pralamenatre në ambientet e Kryesisë së Kuvendit.

Në mbledhjen e sotme të Byrosë diskutohet kërkesa e Partisë Socialiste për përjashtimin me 10 ditë të deputetit Flamur Noka nga punimet e Kuvendit.

Pasi la ambientet e Kryesisë së Kuvendit, deputeti Flamur Noka tha para mediave se ai nuk ka shkelur Rregulloren e Kuvendit, por sipas tij ka qenë kryeministri Rama ai që ka folur me fjalor rruge.

“Turpi i këtij parlamenti sot është të përjashtosh një deputet pse kërkon fjalën për procedurë dhe institucion për një të drejtë të tij, sipas rregullores. Neni 49 pika një e Rregullores së Kuvendit, thotë se kur një deputet kërkon fjalën për procedurë, ajo jepet menjëherë. Ju e patë që deputeti Noka kërkoi fjalën për procedurë, as më pak as më shumë, e vetmja gjë që bëra tepër është që insistova. Dëgjova një kryeministër në sallë që fliste me një zhargon rruge.

Kërkova fjalën për procedurë që t’i kërkoja kreut të Kuvendit që t’i tërhiqte vëmendjen kryeministrit të mos fliste me zhargon rruge, ndërsa ai në vend që ta bënte këtë, përjashtoi deputetin.

Këtë që po e them tani ia paraqita me zë e figurë para Byrosë Parlamentare”, u shpreh Noka.

Article Logic
Execution time: 0.0031061172485352