Ndërhyrja e Sergio Ramos i kushtoi shtrenjtë dhe mungesa e tij në ndeshjen e parë të Egjiptit shpjegohet nga fansat si arsyeja kryesore në dështimin me rezultatin 0-1 përballë Uruguajit.

Disa imazhe të publikuara së fundmi tregojnë se Muhamed Salah ka ende shqetësime në shpatullën e dëmtuar në finalen e Ligës së Kampionëve.

Trajneri i Egjiptit, Hector Cuper u shpreh se “faraoni” do të jetë gati në dy ndeshjet e ardhshme të ekipit, duke shtuar kështu shpresa se Salah do udhëheqi ekipin e tij përballë vendasve të Rusisë.

Emocionet shtohen ndërsa nuk na mbetet gjë tjetër veçse të presim orën 20:00, orar ky që është parashikuar ndeshja Rusi-Egjipt ku do të zbulohet edhe fati i Muhamed Salah.