Armela Hyseni është një ndër ish-banoret e “Big Brother” më të komentuara pas daljes nga shtëpia më e famshme në Shqipëri. Ajo tërheq vazhdimisht vëmendjen me pozat e saj provokuese në rrjetet sociale dhe me intervistat që jep në emisione të ndryshme televizive.

Por siç duket Armela ka vendosur të bëjë hapin e madh në karrierë sepse ka lajmëruar se do të vijë shumë shpejt për publikun shqiptar me një projekt që askujt s'ja priste mendja.

Nëpërmjet disa postimeve, Armela ka zbuluar se do të vijë me një këngë. “Muzikë e re vjen së shpejti”, shkruhen në postimet që ish-banorja ka shpërndarë duke lënë të kuptohet që shumë shpejt do e shohim si këngëtare. Do ketë të njejtin fat dhe sukses si Luana vallë?