Interpretuesi i “Spider-man”, Tom Holland deklaroi gjatë një interviste se një ndër skenat më të rëndësishme të “Avengers: Endgame” ishte tërësisht e improvizuar.
Flitet për skenën ku Tony Stark vdes pas përdorimit të Gurëve të Çmuar të Infinitit, për të mundur Thanos një herë e përgjithmonë.
Sipas Holland, Robert Downey Jr. dhe të gjithë aktorët e pranishëm në skenë interpretuan pjesën e tyre pa pasur një skenar.
“Ishte tepër interesante, sepse ajo skenë nuk kishte asnjë skript. Kevin Feige dhe vëllezërit Russo na thanë mua, Robert Downey Jr., Gwyneth Paltrow e Don Cheadle se çfarë do të ndodhte dhe që ata donin të ndodhte. Më pas praktikisht kemi improvizuar gjithçka. Ishte tepër interesante mënyra e xhirimit të një prej skenave kyç të filmit. Ishte e pabesueshme dhe skena doli fantastike”.