Ndërkohë që në ditën e sotme kanë filluar ndeshjet e para kualifikuese për në “Euro2020” gjithçka po bëhet gati për sfidën midis Shqipërisë dhe Turqisë.

Policia e Shtetit ka publikuar masat që do të ndërmarrë për këtë ndeshje në qytetin e Shkodrës. Si gjithnjë do të bllokohen lëvizja dhe parkimi i automjeteve në rrugët përreth stadiumit.

Ndërkohë, policia ka bërë apel që tifozët të paraqiten në orën 17:00 me mjet identifikimi dhe nuk lejohen sendet metalike dhe ato piroteknike.

FSHF ka publikuar ditën e djeshme edhe uniformat e reja për këtë kompeticion, ku shihet se shqiponja në bluzë ka marrë një trajtë tjetër më të gjerë.

Gjithashtu ekipi i Turqisë është akomoduar në ditën e sotme në Shkodër, ndërsa kombëtarja jonë pritet të udhëtojë ditën e nesërme nga Durrësi.

Panuçi ka vendosur që ekipi do të bëjë edhe një test gjeneral përpara ndeshjes, ndryshe si veproi në Ligën e Kombeve, ku lojtarët liheshin pushim.