Të jesh reper nuk do të thotë që nuk dëgjon muzikë popullore, fundja të gjithë nëpër dasma e marrim ndonjë valle. Noizy dhe Blerim Destani janë shumë miq të mirë dhe shpesh herë i shohim bashkë nëpër vende të ndryshme anëembanë botës.

Mbrëmjen e 31 dhjetorit, Noizyn dhe djemtë e grupit kanë krijuar një atmosferë mjaft energjike teksa kërcenin këngë të muzikës tallava në lokalin e reperit në Durrës.
Por siç duket ata jo vetëm kërcejnë, por edhe këndojnë tallava. Është Blerim Destani ai që ka publikuar një video në Instagram, ku shihet së bashku me Noizyn dhe këngëtarin Altin Sulku duke kënduar: “Jalla shofer!”

Nuk mund të mungonte edhe Ermal Mamaqi në video, i cili shfaqet duke ngrënë mish.