Futbolli në ditët e sotme është kthyer në një “industri” të fortë, e cila prodhon shumë para. Në një situatë të tillë nuk mund të mos mungojnë aktorët kryesor që janë futbollistët, të cilët përfitojnë jo pak nga profesioni i tyre.
Sipas medias francezes “L’Equipe”, në krye të listës së lojtarëve më të paguar është Lionel Mesi, i cili në muaj fut në xhepat e tij plot 8.3 milionë euro. Pas tij normalisht që vjen Kristiano Ronaldo që përfiton 4.7 milionë euro në sezon, pas transferimit të bujshëm që bëri këtë verë te Juventusi.
Në vendin e tretë renditet Antuan Grizman, që luan me Atletiko Madridin. Francezi në muaj përfiton 3.3 milionë euro. Ndërkohë lojtari më i shtrenjtë në historinë futbollit (220 milionë euro) Nejmar, fut në “arkat” e tij 3.06 milionë euro në muaj.
Emra të tjerë që janë në këtë listë që fitojnë më pak janë Ozil, Bej, Kutinjo, Sançez dhe Mbape.