Finalja e fundit e Kupës Libertadores midis Boca Juniors dhe River Plate do të lueht në “Santiago Bernabeu”. Policia spanjolle do të marrë të gjithë masat e nevojshme që kjo sfidë të mos marrë përmasa të dhunshme ose që mund të dëmtojnë procesin sportiv. Në ditën e sotme janë parë forca të shumta policie nëpër rrugët e qytetit për të mos lejuar përplasjet midis dy tifozerive. 

Ndërkohë, që dy liderë të ultrasve të Boca Juniors janë kthyer mbrapsht nga autoritet për precedentët e tyre penalë. “Policia do të kthejë të gjithë ata që kanë precedentë penalë. Duam të shmangim çdo rrezik për rrëmuja të mundshme, rëndi publik është përparësia”, ka thënë Guillermo Madero, përgjegjësi i sistemit të sigurisë për evenimentet sportive.

Ky derbi ka fituar përmasa të mëdha pas incidentit që ndodhi në Argjentinë.