Elseid Hysaj kohët e fundit ka qenë shpesh pjesë e kontradiktave të ndryshme. Mbrojtësi ishte një nga lojtarët më premtues të Napolit dhe shumë klube të mëdha shprehnin interes për të. Më pas, me ardhjen e Ançeloti-t në skuadër lojtari ka marrë kritika për performancën e tij.
Ish-kapiteni i skuadrës, Françesko Montervino është shprehur së fundmi për klauzolën 50 milionë euro që është vendosur për Elseid Hysaj:
“Hysaj është një lojtar i mirë, por vetëm një budalla do të paguante klauzolën e tij prej 50 milionë eurosh. De Laurentis shpreson që të ndodhë. Ai nuk ka asnjë lidhje me këtë Napoli të madh. Ofertat e klubeve të mëdha për të cilat flet menaxheri i tij nuk ekzistojnë. Tre milion euro rrogë? Mua më duken të tepruara, si mbrojtës krahu që është fiton shumë edhe kaq sa ka”- tha në deklaratën e tij Montervino.
15 Apr 2024 
