INTV NEWS SHOWBIZ MAGAZINA MUSIC MOVIES FASHION TECH MED+ SPORTS VIDEOS
Ligji për mbrojtjen e kafshëve, kryebashkiaku Veliaj firmon peticionin [FOTO]

Ligji për mbrojtjen e kafshëve, kryebashkiaku Veliaj firmon peticionin [FOTO]

Publikuar më: 16:10 12-10-2017

Pas publikimit të një video makabre në rrjetet sociale para disa ditësh ku një qen dhunohej me sëpatë nga një adoleshent, në vendin tonë ka nisur nënshkrimi i një peticioni që synon propozimin e ligjit për mbrojtjen e kafshëve nga dhuna dhe braktisja.

Kësaj nisme i është bashkuar dje edhe Kryetari i Bashkisë së Tiranës Erion Veliaj, i cili përmes një postimi në Facebook, u ka bërë thirrje qytetarëve që të bëhen bashkë për nënshkrimin e këtij peticioni në mbrojtje të kafshëve.

“Të gjithë bashkë në mbrojtje të banorëve më specialë të qytetit! Dje nënshkrova peticionin dhe iu bashkova 10150 qytetarëve, të cilët janë angazhuar për miratimin e një ligji në mbrojtje të kafshëve. Jam i sigurt se mund të bëhemi më shumë! Ju e keni nënshkruar peticionin?!#1Ligj4Putra”, shkruan Veliaj.

Projektligji i propozuar parashikon dënim me burg për dhunuesit si dhe gjobe ndaj atyre që i braktisin kafshët.

Bashkia e Tiranës ka ndërmarrë një sërë nismash ndërgjegjësimi, por dhe për trajtimin e qenve endacakë, sikurse është vaksinimi dhe matrikulimi i tyre.

Prej shkurtit të vitit 2016, ka nisur funksionimi edhe i klinikës veterinare të bashkisë në zonën e Kombinatit, ku bëhet trajtimi i kafshëve nga specialistët.

Article Logic
Execution time: 0.00426411628723
array(1) { ["section"]=> string(80) "ligji-per-mbrojtjen-e-kafsheve-kryebashkiaku-veliaj-firmon-peticionin-foto-38817" }