Smartphonët kanë kohë që i janë dorëzuar trendit të zmadhimit të ekraneve. Që nga lançimi i iPhonit origjinal kemi parë çdo vit smartphone me ekrane të mëdhenj e më të mëdhenj, por një emër krejt i panjohur për ju po tenton që të shkojë kundra trendit.
Palm Pre ka qënë një ndër smartphonët e parë, që përpara ngritjes së Android. Sidoqoftë pas daljes së Android dhe boom-it të iPhone, Palm ra në kolaps dhe HP e shiti atë. Zotëruesit e rinj, kinezët e TLC e mbajtën brandin, por nuk investuan më deri tani.
Sot kanë dalë leak për një Palm Phone të ri, i cili duket se do të jetë mjaft i çuditshëm. Ai do të ketë një ekran 3.3 inch 720p, një CPU Snapdragon 450, 3GB RAM dhe 32 GB ROM.
Kamera e tij duket shumë e çuditshme dhe pamja shumë plastike. As që e kuptoj pse një gjë e tillë duhet që të prodhohej në vitin 2018.
-------------------------------------
MEQË JE KËTU
IN Smart të fton të na bashkohesh në grupin privat të Facebook ku mund të diskutojmë risitë e teknologjisë, problemet që ti mund të kesh me smartphone tënd dhe të njihemi me njëri-tjetrin në komunitetin më të madh dedikuar të apasionuarve pas teknologjisë.
15 Apr 2024 
