Pacientët do të përballen me një rritje tjetër të çmimit të medikamenteve. Shkak do të jetë dhënia me konçension e pullës së sigurisë. Sipas ekspertëve të farmaceutikës, kjo do të ndikojë negativisht tek konsumatorët. Po dhe me çmimet aktuale të sëmurët sidomos ata kronikë, thekson Denisa Vrapi nuk i përballojnë dot kostot e ilaceve. “Nëse pulla reflekton në çmimin e barnave ne s'jemi dakort, pasi dhe tani ka patur raste që të sëmurët nuk i marrin të gjitha ilaçet e recetës,” tha Vrapi në një intervistë për IN News.
Në fakt ekspertët theksojnë se herë pas herë janë përballur me mungesë ilaçesh për pasojë të sëmurët nuk i kanë marrë dot ato në kohë për arsye se ka vonesa në printimin e pullës.
“Kemi dy tre vjet që kemi patur probleme me pullat, dalin me vonesë,” sqaron Denisa Vrapi.
Një çmim më i lartë ilaçesh do të dëmtojë gjithashtu dhe vetë farmacistët, pasi do të kenë më pak fitime dhe për shkak të numri të lartë dhe pa kriter të subjekteve faramceutike.