Para pak vitesh, Enca dhe Noizy i dhanë fund miqësisë së tyre dhe nuk folën më me njëri-tjetrin. Ky ishte një ndër sherret që bëri shumë bujë në shoëbiz-in shqiptar. Për të treguar së miqësia e tyre është prishur, këngëtarja fshiu nga kanali i saj zyrtar në “Youtube” videoklipin e këngës “Bow down” që ishte hit dhe është një ndër këngët më të klikuara shqiptare.

Mirëpo pas pak muajsh, kënga u rikthyer sërish në Youtube, ndërkohë që Enca ka folur shpesh rreth sherrit me Noizyn, ndryshe nga reperi që s’ka dhënë deklarata publike.

E fundit ishte në “Xing me Ermalin” ku me deklaratën e saj la të kuptohej se Noizy nuk është treguar besnik ndaj saj.

Por pavarësisht sherrit, Enca ruan ende kujtime me Noizyn. Teksa i hodhëm një sy Instagramit të saj me shumë foto, vumë re që këngëtarja ruan ende shumë imazhe me reperin të cilin e quan vëlla, shpirt binjak dhe grupin OTR “familje”.

Ndryshe nga Enca, Noizy s’ka asnjë foto me këngëtaren në Instagramin e tij. Mos vallë ka harruar t’i fshijë Enca?