INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Ja pse nuk duhet të merrni një karikues borxh!

Ja pse nuk duhet të merrni një karikues borxh!

Publikuar më: 09:56 17-09-2019

Ekspertët e sigurisë kibernetike po marrin një nismë që të ndërgjegjësojnë njerëzit se përdorimi i karikuesit të tjetrit është një gjë e gabuar.

“Në 2019, kjo përbën një gabim shumë të madh”, shprehen ekspertët e sigurisë kibernetike.

“Ka disa gjëra në jetë që nuk mund t’i marrësh borxh”, shprehet Charles Henderson nga IMB security.

“Nëse jeni në një udhëtim dhe papritmas kuptoni se keni harruar mbathjet e çorapet. Besoj se nuk do t’i kërkonit një bashkëudhëtari që t’ia merrni borxh? Do të shkonit në një dyqan e do të blinit të reja” shprehet ai.

Henderson drejton një ekip hakerash që klientët i punësojnë për të thyer sistemet e kompiuterave të tyre me qëllim që të zbulojnë pikat e dobëta. Që kur hakerat kanë gjetur mënyrën për të implantuar karikuesit me viruse që mund të “rrëmbejnë” pajisje dhe kompiutera, ekipi i tij përdor një truk që u mëson klientëve që të bëhen paksa mosbesues ndaj karikuesve të të tjerëve.

Po ashtu, javën e kaluar, në Konferencën e hakerave të mbajtur në Las Vegas, një haker me nofkën “MG” prezantoi një karikues Iphone që e kishte modifikuar.

Pasi e lidhi me një kompiuter, ai u fut direkt në IP-në e tij dhe e mori në zotërim atë. Hakeri sipërmarrës tha se kishte një numër të konsiderueshëm karikuesish të tillë që po i shiste me 200 dollarë copën.

Gjithsesi, duhet evidentuar fakti se karikuesit me virus nuk janë përhapur masivisht akoma dhe për momentin pjesa më kritike që lidhet me çështjet e sigurisë janë portat e USB-ve që përdoren për karikim nëpër aeroporte dhe ambiente të tjera publike.

Article Logic
Execution time: 0.003032922744751