INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
'Imagjinata si në filma'/ Ja si i fshehin shqiptarët telefonat për ti futur në BURG [FOTO]

'Imagjinata si në filma'/ Ja si i fshehin shqiptarët telefonat për ti futur në BURG [FOTO]

Publikuar më: 15:05 19-01-2019

Shqiptarët duket se i kanë sofistikuar gjithnjë e më shumë mënyrat me të cilat tentojnë të fusin në burgje sende te ndaluara. Nga Burgu i Lezhës, policia mes sendeve që tentoheshin të futeshin në qeli, ka zbuluar se në një tenxhere ishin fshehur 3 celularë dhe aksesorët përkatës.

Tenxherja ishte e mbushur me gjellë (fasule) dhe poshtë kishte një fund të dyfishtë. Punonjësit e policisë së burgjeve i kanë bërë një kontroll të imtësishëm, dhe kanë mundur të zbulojnë celularët e fshehur, megjithëse fundi i dyfishtë ishte maskuar shumë mirë. Materialet e çështjes i kanë kaluar prokurorisë së rrethit për të vijuar hetimin e kësaj çështjeje dhe zbulimin e autorëve të saj.

Ky nuk është rasti i parë, kur sendet e ndaluara si celularë apo drogë synohet të futen në burgje me mënyra të sofistikuara. Pak muaj më parë në burgun e Lezhës policia kapi një top futbolli të fryrë, që u hodh nga jashtë rrethimit të burgut dhe që në brendësi kishte 3 celularë. Burime nga Drejtoria e Përgjithshme e Burgjeve bëjnë të ditur se vetëm gjatë muajit janar 2019 policia e burgjeve ka mundur të kapë 15 celularë, që tentonin të futeshin, apo ishin futur në burgje.

telelf.PNG

Article Logic
Execution time: 0.0029211044311523