INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Hetim nga FBI të buxhetit 2018. Si kundërpërgjigjet Rama

Hetim nga FBI të buxhetit 2018. Si kundërpërgjigjet Rama

Publikuar më: 09:54 14-11-2017

Një ditë më parë kreu i Partisë Demokratike Lulzim Basha ngriti alarmin se paratë e drogës po pastrohen nëpërmjet projektbuxhetit të ardhshëm. Në një konferencë me bankat, Kryeministri Rama thumboi kundërshtarin politik, duke theksuar se në sistemin bankar nuk mund të ketë pastrim parash.
Edi Rama:
“T’i them të gjithëve që nëse ka një sistem ku ekonomia informale apo ajo e zeza s’ka shans të penetrojë ky është sistemi bankar dhe nëse ka në Shqipëri një sistem për tu marrë shembull për nga qëndrueshmëria e shëndetshme në raport me ligjin dhe transparencën sa i përket burimeve të fitimit ky është sistemi bankar. Dje kam dëgjuar që imagjinata që nuk më mungonte s’ma kishte thënë kurrë që mund ta dëgjoja, që projekt buxheti të administrohet nga strukturat ligjzbatuese FBI -DEA si një projekt që dëshmon se buxheti përmes sistemit bankar… programi ynë është tanimë në duart e krimit. Tani ju të gjithë këtu jeni në duart e krimit dhe jo vetëm ju që jeni pa kufje apo edhe ata që janë me kufje, madje ata që janë me kufje janë më të dyshuarit, është për të qeshur edhe për të qarë se këto janë sinjalet më dëmtuese për konsumatorin. Ndaj dua tu them atyre që janë të detyruar të dëgjojnë të tilla shpërthime të imagjinatës të qeshin e të shkojnë përpara se realiteti ekonomik është optimist”.

Article Logic
Execution time: 0.0017940998077393