Henri e ka cilësuar veten si ngelës kur studionte në nivelin bachelor në Fakultetin Ekonomik dhe më pas në në vitet 2016-2018 kreu studimet master në degën Sustainable & Environmental Management pranë Universitetit të Eberswalde-s në Gjermani.

Gjatë kohës që vazhdonte studimet Henri nisi karrierën në fushën e modelingut.

Në një prononcim për "Iconstyle", fotografi Sonny K. Elson është shprehur i gëzuar që një prej talenteve të zbuluara prej tij në modeling, tashmë mban një pozicion me shumë rëndësi jashtë kufijve.

“Jam i kënaqur, Henri ia ka arritur sepse ka qenë i vendosur që në fillim. Edhe kur bënte pjesën e modelingut e dinte që ishte një hobi i tij. Ai e dinte se ku do të arrinte. Ishte serioz në punë që bënte”, është shprehur Sonny.