Ai është një nga futbollistët më të mirë shqiptarë i cili jo më kot luan titullar në ekipin Arsenal. Bëhet fjalë për Granit Xhakën i cili ishte një ndër blerjet më të shtrenjta të klubit anglez dhe e themi me bindje të plotë që e ka justifikuar besimin e Wenger.

Mirëpo së fundmi ai është bërë objekt talljeje në rrjet për shkak të pamjes së tij. Paparacët e kanë fotografuar duke ecur në rrugë me një kostum sportiv, i cili është kthyer në një objekt komentesh gazmore në rrjet.

Menjëherë e kanë krahasuar me personazhin komik, Ali G nga filmi me të njëjtin emër. Pavarësisht se Graniti është konsideruar shpesh si një nga futbollistët që vishte më mirë, këtë herë askujt nuk i ka pëlqyer veshja e tij.