Netta Barzilai është fituesja e Eurovision 2018 që u mbajt në Lisbonë të Portugalisë. Ajo kunkuroi me këngën “Toy”, të cilën e këndoi e vetme dhe çoi në Izrael kupën e Eurovision. Edhe pse triumfoi, shumë persona në rrjetet sociale ishin kundër vendimit që Netta të fitonte finalen e madhe dhe këtë e pasqyruan me anë të komenteve të shumtë, madje duke e krahasuar me një “pulë”. Por Netta ka thënë se kënga ka një mesazh të rëndësishëm. Zgjimi i fuqisë femërore dhe drejtësisë shoqërore, i mbështjellë me vibrime të lumtura dhe shumëngjyrëshe përçohet gjatë gjithë këngës”.

Por ajo ka tronditur opinionin publik me një deklaratë të fortë që ka bërë së fundmi.

Këngëtarja thotë se i kanë ardhur disa mesazhe kërcënuese nga disa vende të Ballkanit ku mes tyre rendit edhe Shqipërinë.

“Kam dëgjuar shumë gjëra të bukur për Ballkanin, vendet dhe njerëzit, por unë vetë nuk kam një përvojë jo të bukur. Unë nuk jam një politikane, por përfaqësoj vendin tim dhe kjo është arsyeja pse jam në shënjestër të kërcënimeve. Nga Bosnja, Shqipëria, por edhe nga Serbia kam marrë shumë mesazhe kërcënuese për ngjarjet në Izrael. Unë jam përpjekur t’i injorojë ato. Unë do të jem ambasadore e muzikës në vendin tim, vendi që unë dua më së shumti në botë dhe kjo e përmbush lumturinë time”, tha Netta duke ndarë përshtypjet pas fitores.