INTV NEWS SHOWBIZ MAGAZINA MUSIC MOVIES FASHION MED+ SPORTS VIDEOS
Festimet për Ditën e Verës, rrugët ku do devijohet qarkullimi i mjeteve

Festimet për Ditën e Verës, rrugët ku do devijohet qarkullimi i mjeteve

Publikuar më: 17:52 15-03-2019

Bashkia e Tiranës ka njoftuar se ditën e diel, kur do të bëhen festimet e Ditës së Verës, disa rrugë do të bllokohen për qarkullimin e automjeteve. Bashkia bën me dije se gjatë kësaj dite do të organizohen 50 aktivitete e për pasojë në disa rrugë do të ketë devijim të lëvizjes së makinave.

Njoftimi i plotë

Me rastin e festimeve për Ditën e Verës, Bashkia e Tiranës ka organizuar më shumë se 50 aktivitete, lojëra, dhe muzikë në zona të ndryshme të kryeqytetit. Që kjo ditë të jetë një festë e madhe për të gjithë, Bashkia e Tiranës ka vendosur që 17 Marsin ta shpallë edhe Ditë pa Makina, duke e kthyer Bulevardin “Dëshmorët e Kombit” në pedonale.

Për mbarëvajtjen e aktiviteteve, Bashkia e Tiranës dhe Policia e Shtetit kanë marrë një plan masash për organizimin e aktiviteteve, ku tregohet se si do të devijohet qarkullimi i mjeteve këtë të diel.
Ditën e diel, më 17 mars, do të ndalohet qarkullimi i automjeteve në Bulevardin “Dëshmorët e Kombit” nga ora 08:00 deri në orën 17:00.

Gjithashtu, do të ndalohet qarkullimi në sheshin “Nënë Tereza” nga data 16.03.2019 ora 19:00 deri në datën 18.03.2019 ora 00:00, si dhe në rrugën "Pjetër Bogdani"dhe "Brigada e VIII", segmenti i rrugës midis "Vaso Pashës" dhe "Ibrahim Rugovës" në datë nga ora 08:00 deri orën 04:00 datës 18 Mars.

Për automjetet e emergjencës dhe të Policisë së Shtetit, qarkullimi do të bëhet në rrugët: "Ibrahim Rugova", “Vaso Pasha” dhe “Papa Gjon Pali II”, në Unazën e Vogël të qytetit.

Ndërkaq, qarkullimi i mjeteve të transportit urban të qytetit do të devijohet si më poshtë:

• Linja e Unazës do të devijohet në Urën e rrugës “Sami Frashëri” me urën e rrugës “Elbasanit".

• Linja “Tirana e Re" do të devijohet në rrugën “Sami Frashëri".

• Linja Kinostudio-Kombinat do të devijohet tek Sheshi "Medresesë" si dhe përballë kishës Ortodokse në rrugën e “Kavajës".

 

radio TV

 

Të fundit

Kryesore

    LIKE Shqip Top 10

    poll
    Article Logic
    Execution time: 0.0040228366851807
    array(1) { ["section"]=> string(76) "festimet-per-diten-e-veres-rruget-ku-do-devijohet-qarkullimi-i-mjeteve-89216" }