Flori Mumajesi i bën lëmsh të gjithë!
Kohëve të fundit u përfol mjaft shumë për jetën e tij private e thuajse gjithë karrierën e tij kjo pjesë nuk ka qenë e paprekur. Në mediat online lidhjet e dashurisë së Flori Mumajesit janë vënë në qendër të vëmendjes. Një herë aludohet për lidhje me Fifin, më pas me Kejsi Tolën e kështu me rradhë.
Si të mos mjaftonin këto lajme, ata ishin të ftuar në emisionin e Luanës dhe me “lojërat” e Florit ai na bëri edhe më shumë konfuzë, por si përfundim u kuptua që ata nuk janë në një lidhje, madje Fifi tha fjalët më të mira për kantautorin e njohur duke e quajtur si inspirim.
Mirëpo fansat duan që ata të jenë bashkë dhe kjo shihet fare mirë në këtë video. Flori ka publikuar një video të realizuar nga fansat e tij dhe Fifit në të cilën shfaqet në disa momente të bukura me këngëtaren ndërkohë që në sfond është kënga e tij “PLAS”.
Fansat nuk e përmbajtën dot gëzimin dhe shprehen se ata duken shumë bukur bashkë. Ndërkohë që Flori etiketoi Fifin dhe shkroi:
"E kanë qa" dhe këngëtarja ia ktheu: "Po që jemi protagonistë të denjë dmth".
21 Apr 2024 
