Në Shkodër para Gjykatës së Apelit ku po gjykohen 11 protestuesit e arrestuar kanë shkuar dhe deputetët e opozitës. Një prej tyre kryetari i grupit të PD, Edmond Spaho ka folur për mediat dhe ka kërkuar lirimin e 11 protestuesve pasi e konsideron të paligjshëm arrestimin e tyre.

“Një gjyq i jashtë ligjshëm. I jemi drejtuar kryeministrit që të tërheqë dhe të pranojë që janë të pafajshëm dhe se i ka mbajtur për motive politike, në seancë do të hyjmë përsa kohë nuk ka një vendim të gjykatës. Seancat janë publike dhe i takon çdokujt që të marrë pjesë, kemi ardhur që të shprehim mbështetjen tonë. Nuk dëshiroj të bëj asnjë koment për çfarë do të ndodhë më pas,” tha Spaho.