Është e pabesueshme ajo që ka ndodhur, Nico Rosberg është tërhequr nga Formula 1. Piloti 31 vjeçar e bëri komunikimin e bujshëm në Galanë e Fia në Vjenë, ku jepen çmimet tradicionale të fund-sezonit. Jo vetëm kaq pasi Rosberg ka bërë dhe një argumentin të gjatë në profilin e tij Tëitter, ku ka sqaruar arsyet se pse e ka marrë këtë vendim që i la të gjithë pa fjalë. Ai tha se viti i fundit ka qenë shumë i vështirë për familjen e tij pasi i është dashur që t’i dedikohet plotësisht jetës prej piloti për të ndjekur ëndrrën e titullit kampion. Sipas Nico, një nga personat që i ka vuajtur më shumë pasojat ka qenë gruaja e tij Vivian, së cilës i është dashur ta vërë vetë vajzën e tyre në gjumë çdo natë. Kampioni në fuqi thotë që ky mendim i erdhi në kokë që në momentin kur kuptoi se titulli ishte i gjithi në dorën e tij, ndërsa vendimin final e mori një ditë pasi fitoi titullin që e ëndërroi aq gjatë. Tashmë është zyrtare, vitin tjetër në Formula 1 do të garohet pa një kampion në fuqi.