Noizy dhe Dafina janë dy nga këngëtarët më të mirë shqiptarë, suksesi i të cilëve është ndërkombëtarizuar. Më parë nuk kishin ndonjë marrëdhënie për t’u admiruar, pasi Noizy ishte në konflikt me Ledrin dhe ky i fundit ishte në një lidhje me Dafinën, por siç duket çdo gjë është normalizuar dhe të gjithë u habitëm kur kemi parë Duffyen dhe ZinZin në të njejtin koncert në Durrës e jo vetëm.
E përveç kësaj, Noizy dhe Ledri tashmë janë bërë miq shumë të mirë si dhe dje publikuan bashkëpunimin “Dje dhe sot”. Ndërkohë që Noizy dhe Dafina kanë përformuar sërish bashkë, shumë milje larg vendit tonë, në Amerikë.
Blitz.al ka siguruar disa fotografi, teksa Noizy dhe Dafina janë përqafuar me njëri tjetrin gjatë performancës sikur na tregojnë që kanë lënë pas krahëve atë ç’ka ndodhur më parë me ta.